سويتها فيك

موضوع: سويتها فيك الثلاثاء فبراير 05, 2008 10:34 am

كنت نايم..وبعالم الأحلام هايم..

مادري في شنو كنت أحلم

مره أحس أني أسوق سياره..
ومره أقول كنت مضيف طياره..
كان الجو بارد..
وكنت متغطي وشارد..

رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت.. <<

قلت هلا
وقالت أهلين..
نوره موجوده؟؟

قلت وأنا صوتي رايح فيها...
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..

بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه..

قالت شكلك كنت نايم..
قلت لا.. توني قايم..
قالت تدرس ؟؟

قلت الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قلت من الاختبارات لا تخافين..
دامك الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي أنك ماتنسين..
قبل الاختبار الله تدعين..
ومن إبليس تتعوذين……..
خلقه من نار وخلقنا من طين.. وجلسنا نسولف في أمور..
من شنو اسمك الين غلاء المهور..

قالت اسمي (ود) وقلت لها أنا محمد..
وقالت صدفه غريبه أسامينا فيها دال..
تصدق كنت أتمنى يسموني نوال!!
تصدقين وأنا كنت أتمنى يسموني جمال

وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..

وبدلع..قالت أنت تشجع النصر؟؟

قلت في قلبي.. مادري أجاوبك بكف ولا بنعال..
بالله عليك هذا سؤال؟؟

قلت أنا هلالي.. وما يهمني القيل والقال.. << أحلى
هذا الكوماندوز هذا حبه طاح في القلب ولا ينشال..
والشمس مايغطيها مشخال..

قالت شمعنى الهلال!!..
قلت يا بنت.. الهلال فن ولعب ويفوز باللي حضر..
وجمهوره له كلمة وأمر..
يابنت..لا تغريني بالكثير..
لو تضربين مليون بصفر تساوي صفر.. << احم

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..

قالت.. محمد..
قلت آمري يا ود..
قالت أوصف لي شكلك..

هذا وين توهقنا..
شوفي العرب لونهم واحد
ولسانهم واحد.. وأحلف بالله ولا غيره أحد
أني ماني طويل ولا قصير..
شعري ناعم مثل الحرير..

قالت والعيون..
قلت العيون شبرين في ثلاثه أشبار
قالت أسد..
قلت شكرا ياأحلى شهد

المهم إن تواعدنا..
والموعد باجك في المول قررنا..
بين خوف وأمل تواعدنا..

وقضيت ليلتي في حيرة..
وش البس؟؟ جنز ولا كندوره والله حيرة..
مافي غيرها يفك الحيرة.. شيشه و تعميرة..

ورجعت للبيت أعاتب أمسي وأبتسم لغدي..

وبصعوبة نمت... قعدت أتقلب وون..
يا قلبي قلي شنو اللي من الحب أهون؟؟

غريبه هالدنيا غريبة..

وراحت ليلتي... وزادت بلوتي..
اليوم موعدي.. أنا والحب بنلتقي..

وكشخت
لبست فوق راسي غترتي..
في مكان اللقاء تغيرت حتى خطوتي..
صرت أرتجف وأترنح بمشيتي..
كأني أنساق للموت وهاذي نهايتي..

مب سوالف شجاعة.. هذي أكبر بطولاتي..
اذا خسرت بتضيع أحلى أمنياتي..
جلست أدور وألف وحول المكان أطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..

وفجأة..

وصلني مسج..
يقول..
سويتها فيك
رد بيتكم وخل عنك هسوالف ياتـعبان

روح نام ..
تعيش وتاكل غيرها
و سويتها فيك ..

:المرسل

الوالــــــــــــدة Laughing

نايس يا عصفورة
ملاحظة: اسم امي نورة
ههههههههههههههههههههههههههههههههههههههه

زائر

يسلمو هالادين يا عصفورة الله لايحرمنا منك

زائر

عصفورة والله انك منورة المنتدى تبعك الله يحيكي

والله إنك شاعرة بي إيه أنا مش عارف ههههههههههههههههههههه
يسلمو ها الأيادي بجد موضوع ما إنه هين وممتاز

طبعا احلى موضوع

تامر تسلمي شو انك ذوق هذا واجبي انا منكم وفيكم الله يخليكم لي جميعا يا نشامى الوطن الجميل[b]

الامير شكرا كلك ذوق واكيد كل واحد فينا بكون شاعرلنفسه في بعض اوقات حياته صح يا ابن ام الدنياالعزيزه على كل العرب[b]

ادمن شكرا بعض ما عندكم من الحلا شكرا لحضرتك

مشكورة

زائر

عصفورة بقلك كلمة وحدة وبس الله يرظى عليكي يا رب